‘Tanim bala’ sa NAIA pinasisiyasat ni PNoy
Angie dela Cruz, Malou Escudero (Pilipino Star Ngayon) - October 31, 2015 - 10:00am

MANILA, Philippines – Pinasisiyasat na ni Pangulong Aquino kay Transportation Sec. Jun Abaya ang isyu ng ‘laglag bala’ o ‘tanim bala’ sa mga paliparan.

Sinabi ni Presidential Spokesman Edwin Lacierda, maging ang Malacañang ay naalarma sa big­lang pagtaas ng kaso ng nahuhulihan ng bala sa NAIA.

“Nakakalungkot po na nangyayari ito…we have raised it with Secretary Jun Abaya and the President and that’s why may instructions po galing kay Pangulong Aquino at kay Secretary Jun Abaya na tingnan nang maayos itong nangyayaring ito sa ‘tanim bala’ na ito. Nag-usap po kami ni Secretary Jun Abaya at sinabi po niya na nagdadagdag sila ng mga CCTV po dito sa mga lugar na ‘yan,” ani Lacierda.

Nakakabahala rin aniya na nagiging ‘paranoid’ na ang mga pasahero at nagiging viral sa social media ang larawan ng ilang pasahero na binabalutan ng husto ang kanilang mga bag upang hindi masiksikan ng bala.

Sinasabing karaniwang target ng sindikato ay ang mga OFW. Una nang naiulat na isang 56-anyos na OFW mula Hong Kong ang nahuli sa NAIA nang kakitaan ang bag nito ng bala ng baril.

Ilan ding indibidwal ang nahulihan ng bala sa airport nang aminin na gamit nilang anting anting sa kanilang paglalakbay at mayroon namang nagsabi na nasama sa bagahe ang dalang bala bilang remembrance mula sa pinagmulang firing range.

Muli, pinaalala ni Abaya sa publiko na bawal ang magdala ng bala sa pagsakay sa eroplano.

Tiyakin ding sila ang nag-iimpake ng mga bag para maiwasang mabiktima ng ‘laglag bala’ ng mga tiwaling security personnel sa NAIA.

Tiniyak naman ni Aba­ya na agad parurusahan ng tanggapan ang sinumang airport personnel na mapapatunayang sangkot sa naturang modus operandi.

ACIRC ANG BALA HONG KONG JUN ABAYA MGA PANGULONG AQUINO PRESIDENTIAL SPOKESMAN EDWIN LACIERDA SECRETARY JUN ABAYA SECRETARY JUN ABAYA AND THE PRESIDENT TRANSPORTATION SEC
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with