3 NP maglalaban-laban sa pagka-bise presidente
Malou Escudero (Pilipino Star Ngayon) - September 29, 2015 - 10:00am

MANILA, Philippines – Susuportahan  ng Nacionalista Party ang tatlo nilang miyembro na posibleng maglaban-laban sa pagka-bise presidente sa eleksiyon sa susunod na taon.

Ito ang inihayag kahapon ni Senator Cynthia Villar, matapos maghayag kahapon na tatakbo na ring bise presidente si Senator Alan Peter Cayetano.

Bukod kay Cayetano, miyembro rin ng NP si Senator Antonio Trillanes IV na nagdeklara na ring kakandidato sa pagka-bise presidente at si Senator Ferdinand “Bongbong” Marcos na nagpahiwatig na ring magdedeklara sa tamang panahon.

Sinabi ni Villar na tutulungan nila ang tatlong senador sa usapin ng pagbibigay ng pondo pero wala sinuman sa kanila ang itataas pa ang kamay.

“Eh di tutulungan nalang natin silang lahat. How can you choose from these three? Lahat sila ay miyembro namin at tutulungan namin,” pahayag ni Villar.

Inihayag rin ni Villar na kapwa matatapang ang kanilang mga miyembro na katangian umano ng partido.

“Lahat sila matatapang at matitigas ang ulo. Iyan naman talaga ang trait ng party namin,” ani Villar.

Bibigyang laya rin umano ng partido ang kanilang mga miyembro na magpasya kung sino sa tatlong kakandidato sa pagka-bise presidente ang gusto nilang suportahan.

ACIRC ANG BIBIGYANG BONGBONG BUKOD LAHAT NACIONALISTA PARTY SENATOR ALAN PETER CAYETANO SENATOR ANTONIO TRILLANES SENATOR CYNTHIA VILLAR SENATOR FERDINAND
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with