CGMA dumalo sa libing ng kapatid

MANILA, Philippines – Dumalo si dating pangulong Gloria Macapagal-Arroyo sa libing na kaniyang kapatid na si Arturo Macapagal sa The Heritage Park, Taguig kahapon.

Ito’y matapos pumayag ang Sandiganbayan sa ika-lima at huling pagkakataon na lumabas ng Vete­rans Memorial Medical Center (VMMC) si Arroyo.

Mula alas-10:00 hanggang alas-2:00 lamang nanatili ang dating pangulo sa libing ng kapatid.

Bagama’t hindi mahigpit ang seguridad ng convoy ng dating pangulo, hindi na pinapasok ang media sa loob ng Heritage Park.

Balik-hospital arrest din si Arroyo pagkatapos ng libing.