^

Bansa

P268-M deal ng Comelec, Smartmatic pinigilan ng SC

Doris Franche-Borja - Pilipino Star Ngayon

MANILA, Philippines – Pinigilan ng Korte Suprema ang P268 milyong halaga ng kontrata sa pagitan ng Commission on Elections (Comelec) at Smarmatic-Total Information Management para sa nalalapit na 2016 elections.

Kinatigan ng Supreme Court ang petisyon nina Bishop Broderick Pabillo, et. al. at ng Integrated Bar of the Philippines (IBP) na ipawalang-bisa ang kasunduan para sa pagsasaayos ng 82,000 unit ng precinct count optical count (PCOS) na gagamitin sa automated national elections.

Sa pahayag ng SC, 12 ang pumabor sa hirit na temporary restraining order (TRO) habang dalawa ang sumalungat.

Katwiran ng IBP sa kanilang 28-pahinang petisyon, nagkaroon ng grave abuse of discretion ang Comelec sa pagpasok sa kasunduan lalo’t napirmahan lamang ang kontrata noong Enero 30, 2015 o tatlong araw bago magretiro si dating Comelec Chairman Sixto Brillantes.

Binatikos ng IBP ang kasunduan na anila’y hindi dumaan sa public bidding at iginiit na hindi tamang ikatwiran ng Comelec ang kawalan ng sapat na panahon sa hindi pagdaraos ng public bidding.

P300 milyon ang hala­ga ng Comelec-Smartma­tic deal subalit nagawa itong pababain sa P268 milyon.

BINATIKOS

BISHOP BRODERICK PABILLO

COMELEC

COMELEC CHAIRMAN SIXTO BRILLANTES

COMELEC-SMARTMA

INTEGRATED BAR OF THE PHILIPPINES

KORTE SUPREMA

SMARMATIC-TOTAL INFORMATION MANAGEMENT

SUPREME COURT

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with