‘In memory of Yolanda’ Nob. 8 pinadedeklarang National Day of Rising
Gemma Amargo-Garcia (Pilipino Star Ngayon) - October 10, 2014 - 12:00am

MANILA, Philippines - Nais ipadeklara ni Oriental Mindoro Rep. Paulino Salvador Leachon ang Nobyembre 8 kada taon bilang National Day of Rising para sa paggunita ng lupit na dinanas ng bansa sa Super Typhoon Yolanda.

Sa House Bill 4981, sinabi ni Leachon na ang Yolanda ang worst na bagyong tumama sa bansa na kumitil sa buhay ng mahigit 6,000 katao, sumugat sa halos 29,000 na iba pa at nagdulot ng 36.69 bilyong piso na sira sa imprastraktura at agrikultura.

Layunin din ng panukala na sa pamamagitan ng day of rising ay bubuhayin ang bayanihan spirit ng mga Pinoy sa pangangalaga sa kalikasan bilang proteksyon sa ganitong mga kalamidad.

Magiging sentro ng aktibidad sa Day of Rising tuwing Nobyembre 8 ang programa sa pagtatanim ng puno sa pangunguna ng mga ahensiya ng national government.

Umaasa naman si Leachon na maihahabol ang pagpapatibay ng kanyang panukala bago ang unang anibersaryo ng hagupit ng bagyong Yolanda sa Nob­yembre 8.

 

DAY OF RISING LEACHON NATIONAL DAY OF RISING NOBYEMBRE ORIENTAL MINDORO REP PAULINO SALVADOR LEACHON SA HOUSE BILL SUPER TYPHOON YOLANDA YOLANDA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with