15 sugatan sa banggaan ng bus sa EDSA-Makati

MANILA, Philippines – May 15 katao ang sugatan ngayong Miyerkules sa banggaan ng dalawang pampasaherong bus sa Epifanio delos Santos Avenue (EDSA) sa bahagi ng lungsod ng Makati.

Naganap ang insidente bandang 7:20 a.m. sa southbound ng EDSA sa Buendia, Makati City.

Base sa inisyal na ulat, nawalan ng preno umano ang Ralph Benz bus kaya nabangga nito ang likuran ng pampasahero ring bus na Precious Grace Transport.

Dahil sa nangyaring aksidente, naging mas mabigat ang daloy ng trapiko sa southbound ng EDSA na umabot hanggang Ortigas sa Mandaluyong City.