Deserve na atensyon ng pamilya

Kapag birthday ni tatay ay bukang bibig nito na huwag na siya bigyan o bilhan ng kahit na ano. Siyempre hindi nakakatiis ang pamilya na laging may pasorpresa sa ama ng tahanan.

Alam ng mahal sa buhay ang hirap, kasipagan, at sakripisyo ni tatay na deserve minsan na pasiyahin lalo sa mismong kaarawan niya.

Hindi makakaila sa tao na minsan ay naghahangad na “makilala” o mabigyan ng atensyon. Makaranas ng bagay at ibang detalyeng na hindi pa nararanasan.

Ngunit lahat ay distracted na hindi na nagbibigay ng atensyon. Naaagaw din ng social media ang attention na nauubos ang oras ng marami sa kaka-scroll, kakalaro, panonood, o pakikipag-chat sa iba. Hindi naman puwedeng sisihin ang cell phone at gadgets.

Paano nga ba i-mute ang lahat ng bagay kapag deni-demand ang iyong atensyon?  Paano mag-offer ng isang bagay sa asawa na hindi nagmamadali? Upang maibigay ang buong atensyon habang buhay pa sila?

Maaaring hindi tayo superhero, pero makatutulong kung mayroong healthy na mind set na magbigay ng atensyon sa asawa at pamilya. Lalo na’t hindi sapat ang oras at limitado ang mga araw.

Ngunit huwag mag-atubili na mag-supply ng maraming atensyon sa iyong mahal sa buhay. Ipaalam at iparamdam sa asawa o anak na nakikita at  nagpapahalaga sa mga activities nila sa maghapon. Upang hindi magsisisi na hindi naibigay ang simpleng haplos ng pagmamahal bilang atensyon na hinahanap ng ating pamilya. Dahil bawat isa ay superhero na itinuturing din sa tahanan na source ng atensyon  at pagmamahal.