Nakabantay na Pusa

Panaginip: Kakargahin ko ang sanggol na nakahiga sa salas kaya lang ay may nagbabantay sa kanya na malaking pusa. Pakiramdam ko’y kakagatin ako ng pusa kapag ginalaw ang bata. Nakita kong pumasok ng bahay ang aking lady boss (department head). Nahulaan kong siya ang may-ari ng pusa. Nakiusap akong paalisin niya ang pusa para makalapit ako sa sanggol. Tiningnan lang ako ng aking boss at tinalikuran ako.-VB’89 of Antipolo

Interpretation: Ang sanggol ay simbolo ng bagong proyekto or new beginning. Babae o pagkababae ang laging sinisimbolo ng pusa. May project or assignment ka ba na hindi mo matapos dahil pakiramdam mo’y sumasabotahe o humahadlang? At ang pinaghihinalaan mong hadlang sa iyong mga gawain ay isang babae.