Sanggol na ninakaw 55 years ago, nakabalik sa mga magulang

Taong 1964, masayang-masaya ang mag-asawang Chester at Dora Fronczak sa pagdating ng kanilang anak na si Baby Paul. Pero sa kasamaang palad, kinidnap ang bata ng nagpanggap na nurse sa ospital ng Michael Reese Hospital sa Chicago.

Nagkaroon ng malawakang paghahanap sa batang nawawala pero bigo silang makita ito.

Makalipas ang dalawang taon, naibalik ang batang ‘inakala’ nilang si Baby Paul na inalagaan nila at pinalaki sa loob ng 46 years. Pero nalaman nilang hindi ito si Paul Fronczak nang magkaroon sila ng DNA test.

Samantala, ayon sa FBI, meron daw nakipag-ugnayan sa kanilang isang lalaking hindi nagpakilala. Pero ayon dito, hinala niya na siya ang totoong Paul Fronczak dahil sa mga natuklasan niya noong siya ay 10 taong gulang pa lang. Nagpa-DNA test din siya at napatunayan niyang hindi siya anak ng mga kinilala niyang magulang at biktima rin daw siya ng kidnapping.

Kung siya nga talaga ang totoong Paul Fronczak, nakakalungkot lang at hindi na niya makikilala ang totoo niyang ama dahil matagal na raw itong pumanaw.

Hindi pa naman nagbibigay ng pahayag ang kanyang tunay na ina na si Dora.