Pasko sa paningin ng bata

Kapag may isang tao na nagbigay ng extra effort na bumili ng regalo para sa iyo, nagbabalot ng gift, at nag-abot sa iyo ng present; ‘di ba ang sarap ng pakiramdam na ikaw ay love at feeling special?

Ang saya na tumatanggap at nagbubukas ng regalo kahit anong edad. Nagpapainit sa damdamin, maging bata o matanda na walang pinipiling edad.

Kung gaano kasaya ang mga nakatatanda na makatanggap ng regalo, ganundin lalo ang mga bata.

Ngayong Christmas bilang season of giving ay mas gawing makabuluhan ang okasyon lalo na sa mga kapus-palad na bata. Kahit sa mahirap na sitwasyon ay maaari pa rin makapagbigay ng inspirasyon sa pamamagitan ng encouraging words o kabutihan na puwedeng magpabago ng buhay ng isang paslit.

Maaaring magdaos ng party sa isang foundation o mag-abot ng konting pagkain, damit, sapatos, tsinelas, o laruan. Sa simpleng pagbibigay sa pangangailangan ng bata ay maiibsan kahit paano ang kanilang kalungkutan.

Ngayong holiday season ay samantalahin ang pagkakataon na magpasaya ng mga bata. Upang magbigay ngiti at pag-asa sa mga bata na minsan lang  maranasan ang kasiyahan ng kapaskuhan.