Nanay na ayaw sa mga manugang
Dear Vanezza,
Lahat ng anak ko ngayon ay nag-asawa na kaya ako na lang ang naiwang mag-isa dahil balo na ako. Gusto ng mga anak ko na kunin nila ako. Ang problema ko ay hindi ko naman kasundo ang kanilang mga asawa. Nalulungkot din ako kapag nakikita kong inaaway o nasasaktan ang mga anak ko. Kaya iniisip kong magsolo na lang sa bahay. Tama ba ako?
Mamang Lucy
Dear Mamang Lucy,
Kung ano ang magpapagaan sa iyong kalooban ay gawin ito. Nag-aalala lamang ang mga anak ninyo dahil wala kayong kasama sa bahay na tiyak na nalulungkot din kayo. Puwedeng dalawin ang mga anak at saka umuwi sa inyong bahay kung malapit din ang kanilang lugar sa inyo. Panatilihin din ang komunikasyon sa kanila upang hindi rin mag-alala ang inyong mga anak.
Sumasainyo,
Vanezza
- Latest