Misis Kinukulong ng Asawa sa Bahay

Dear Vanezza,

Malalaki na ang mga anak namin na may trabaho na. Ngayon ay gusto kong magtrabaho para makalabas naman ako ng bahay at magkaroon ng sarili kong pera. Ayaw pa rin akong payagan ng asawa ko. Buti pa ang mga kumare ko ay may sariling ganap sa buhay nila. Samantalang ako ay kinukulong ng mister ko sa bahay. Para namang may magkakagusto pa sa akin sa tanda kong ito. Naiinis ako, para bang pag-aari lang ako ng mister ko at walang kalayaan. Ano ba ang gagawin ko? – Ghing

Dear Ghing,

Nasabi mo ba kay  mister ang nararamdaman mo? Bakit hindi mo subukan na ipaliwanag sa kanya na gusto mong makaranas na magtrabaho kahit minsan. Baka ayaw lang ni mister mapagod ka. Lalo na ngayong makapag-relax ka na malaki na ang mga anak mo.

Sumasainyo,

Vanezza