Patay na kabayo
Panaginip: May patay na kabayo akong ililibing kaya’t ako’y naghukay. Pero habang ako’y naghuhukay ay may mga bulateng gumapang sa aking paa kaya’t itinigil ko ang paghuhukay. Kahit nadidiri ay dinampot ko ng aking kamay ang mga bulate at inihagis ko sa hukay. Inilibing ko na rin ang kabayo kahit pa mababaw pa lang ang hukay. Para kasing hindi ko na kaya pang maghukay dahil pagod na pagod na ako.---White Strawberry
Interpretation: Ang kabayo ay simbolo ng lakas, ‘yung lakas na panlalaki. Sinabi kong panlalaki dahil ang mga lalaking may malaking “hinaharap” ay sa kabayo inihahalintulad. May temang sexual relationship ang iyong panaginip. Sexual relationship na “namatay”.
Ang paglilibing/kamatayan ay nagpapahayag ng bagong karelasyon o pakikipaghiwalay sa existing relationship. Mukhang desidido kang ituloy ang planong pakikipaghiwalay. Ito ay ipinakita doon sa dinampot mo ang bulate kahit nakakadiri para lang ito maalis sa iyong paa.
- Latest