Mga pintuan sa bahay

1--Kung ang dalawang pintuan ng dalawang silid ay magkatapat, ito ay dapat na pareho ang size.

2--Minsan ay may slanted ceiling kaya’t upang maiangkop ang pinto, ito’y nagiging slanted din. Isang malaking pagkakamali kung ang pintuan (top portion) ay slanted. Ang resulta nito ay mabigat na sakit o kamatayan sa miyembro ng pamilya. Pinturahan ang itaas ng pinto kung saan ito pagmumukhain mong straight.

3--Hindi maganda kung may tatlo o higit pang bilang ng pinto na magkakahanay sa isang bahay. Maglagay ng harang sa pagitan ng mga pinto para mapabagal ang takbo ng energy na pumapasok sa bawat silid.

4--Ang mga pintuang hindi nagagamit ay masama rin sa Feng Shui. Halimbawa, pinto ng bodega na hindi na binubuksan dahil hindi na ginagamit. Bedroom door ng mga anak na nasa abroad kaya’t hindi na ito nabubuksan. Ang resulta ay nakakaroon ng matinding pag-aaway sa pagitan ng magulang at anak o magkakapatid.

5--Lagyan ng mirror ang pintong hindi ginagamit. Ilagay ang mirror sa labas ng pintuan upang maging invisible ito.