Toxic na Team Leader

Dear Vanezza,

Gusto ko na atang mag-resign sa trabaho kung hindi lang para sa pamilya ko. Toxic ang bisor namin na sipsip sa management. Wala nang ginawa kundi ang maglista kahit pa hindi naman big deal ay pinalalaki ang isyu. Ewan ko ba na para bang wala na akong ginawang tama. Walang problema sa trabaho ko, bukod tanging ang pabigat na team leader namin. Ni minsan ay hindi man lang siya nagmalasakit na kamustahin kami. La­ging ang sumbat lang ang mga kapalpakan namin.

Marko

Dear Marko,

Pagbutihin ang trabaho, upang hindi makatikim ng memo. Gawing inspirasyon ang pamilya at huwag tingnan ang iyong bisor. Suklian ng kabutihan ang iyong amo, pasasaan ba at lalambot din ang puso niya para sa iyo. Kung hindi man ay ibigay pa rin ang best effort para sa maganda mong performance sa trabaho. Huwag panghinaan ng loob. Kung lumipat sa ibang work, tiyak na baka mas masahol pa ang boss na madadatnan mo.

Sumasainyo,

Vanezza