Seafood Bicol Express
Napakadali lamang iluto ang seafood Bicol express dahil ‘di tulad ng karaniwang Bicol express na pork ang main ingredient, seafood ang gagamitin natin ngayon.
Tiyak na mapaparami ka ng kanin kapag ito ang ulam mo.
Perfect ang dish na ito kung ikaw ay nagmamadali dahil mabilis lamang itong iluto.
Sa dish na ito, kailangan lamang ang mga sumusunod:
1/2 kilo ng tahong
1/4 kilo ng pusit
½ kilo ng hipon
2 cups ng gata
2 tablespoons bagoong alamang
luya
bawang
sibuyas
anim hanggang sampung piraso ng siling haba
paminta
cooking oil
Paraan ng pagluluto:
Igisa sa mantika ang bawang, sibuyas, at luya ng tatlong minuto.
Ilagay ang bagoong alamang at lutuin ng limang minuto.
Sunod na ilagay ang gata at sili. This time, kailangang ilagay sa katamtamang lakas ang apoy. I-simmer ito ng hanggang walong minuto.
Sunod na ilagay ang seafoods (hipon, pusit, tahong). Bantayan mabuti ang mga tahong na hindi bumukas at itapon ito.
I-simmer ito hanggang sa maluto ang seafoods.
Lagyan ng paminta at asin depende sa panlasa.
Burp!
- Latest