Feeling Mayaman na OFW

Ilang beses nang na­rinig ang hinaing ng maraming Pinoy na wish ay mag-abroad, kumita ng dolyar, at yumaman.

Sino ba ang hindi nanga­ngarap ng magandang buhay kaya maraming overseas Filipino workers ang nagsisipag kumayod sa ibang bansa.

Sa kabilang banda, hindi lahat ng  nagsasakripisyo ay nabibigyan ng komportable buhay ang kanilang pamilya. Dahil hindi lahat ng OFW ay masuwerteng pinapalad na yumaman.

Kahit nga ang mga OFW na naka-jackpot sa abroad, pero kalaunan ay naubos din ang kanilang kinikita kahit pa dolyar ang kanilang natatanggap. Ang iba ay baon pa rin sa hinuhulugang bahay, kotse, at loan na hindi mabayaran.

Hindi lang basta dapat nangarap na mag-abroad kundi kailangang may sapat na kaalaman kung paano gagastusin ang perang kinikita. Ang masaklap na ang pamilyang naiwan ay puro gastos pa na hindi rin natututong mag-manage ng kanilang pera. Hindi naman kailangang yumaman kundi, matutunan na mag-invest at mag-ipon ng pera, upang pag-uwi man ng ‘Pinas ay mayroon pa rin madudukot na panggastos.