Zombie Family (194)
PINAPAKALMA pa rin ni Laurice ang asawa. “Herman, wala nga raw nakita sa isla kahit ano. Kahit body parts. Napakatahimik, napakaganda, napakalinaw ng tubig.”
“But the zombies are there!”
“Aalamin iyon ng mga sundalo. Siguradong napakarami ang bababa doon para hindi mananalo si Marga just in case there are surprises.”
“Aywan ko ba, Laurice … hindi na yata ako maaring umasang matatalo pa ang mga demonyo.”
“You lost faith at hindi iyon tama. Iyon na nga lang hawak natin.”
“After what I went through, masisisi mo ba ako?”
“Kalimutan mo na si Marga, puwede? Kami munang pamilya mo ang bigyan mo ng atensiyon. Ang mga anak ninyo ni Marga, they also deserve your attention, Herman.”
“But … mas kailangan ako sa isla. Nakakatulong ako para wala nang mamamatay!”
“Herman!”
“Gusto ko rito sa inyo, Laurice. Sa iyo. But torture sa conscience ko na iniwan ko ang isla kahit alam kong wala nang magliligtas sa mga bibiktimahin ni Marga.”
Gumuhit ang sakit sa mukha ni Laurice. “Kararating mo pa lang, gusto mo nang bumalik kay Marga?”
“To try to save people!”
“Hanggang kailan mo gustong gawin ‘yan? Paano na kami? All your children need their father. And I need my husband!”
“Laurice, huwag ka namang magalit, o. Kapag wala na talaga kahit isang bulok na laman ni Marga, babalik ako. At hindi na aalis kailanman. Magpapakasal tayo uli. Renewal of vow.”
“I doubt kung makakabalik ka pa sa amin.” Umiiyak na si Laurice.
“I will. Ngayon ikaw naman ang dapat maniwala.”
“Ang tagal-tagal mong nawala … kung hindi pa kayo na-rescue … I doubt kung uuwi ka.”
“Uuwi ako. Laurice, hindi rin kayo ligtas dito kapag hindi talaga nasigurado kung ano ang nasa isla.”
“Herman … paano kung … hinahanap-hanap mo lang pala ang kabit mong zombie?” ITUTULOY
- Latest
