Sense of control sa budget

Pagdating sa pagba-budget ay may bad record ang mga Pinoy sa kanilang households na gastusin na ang tingin lamang sa pera ay lustayin.

Mas enjoy nga naman sa pagsa-shopping, pagkain sa labas, at paliliwaliw kapag weekends.

Nakalimutan na ang goal ay maging masinop sa pera.

Ang simpleng pagba-budget ay pagpapakita ng kung magkanong pera ang mayroon at paano ito hatiin sa mga gastusin.

Ito ay pinakaimportanteng tools sa pag-build up ng matagumpay ng financial future, dahil nakatutulong na gamitin na maging matipid kung ano lang ang hawak na pera.

Kahit ano pang sitwasyon ng economic standing o sa anomang henerasyon kabilang, ang bawat consumer ay puwedeng magkaroon ng benepisyo sa paglikha at pag-manage ng iyong budget. 

Sa pag-budget ay nabibigyan ng pagkaka­taon ang tao na magkaroon ng sense of control sa kanilang pera.

Importante na pag-isipan ang budget bilang financial foundation. Ang pondasyon ng tao ay puwedeng depende ayon din sa financial na sitwasyon.

Ang mahalaga ay kung paano i-work out na pagkakasyahin ang hawak na pera, upang hindi mapasubo sa pangungutang.