Banana rhuma patok na merienda

Makailang beses nang na-feature sa telebisyon ang sikat na dessert ng isang kainan na malapit sa University of Santo Tomas sa Maynila.

Hindi pangkaraniwan ang mga pagkaing ino-offer sa Mang Tootz Food House na pagmamay-ari ni Edwin Vergara.

Mayroon silang Korean barbecue, breaded chicken, kebab, at ang sikat na turon nila, ang banana rhuma. Maliit kaysa sa pangkaraniwang turon ang banana rhuma na nabibili sa halagang apat na piso kada piraso. Ang patok na dessert na ito ay mas pinasarap pa ng ilang kakaibang ingredient kabilang na ang rhum.

Nagtrabaho bilang bartender si Edwin at aniya, gumagawa siya ng sarili niyang concoction.

Una siyang nag-experiment sa pamamagitan ng paghalo ng pineapple juice at rhum. Nilagyan niya ito ng cinnamon at kalaunan ay na-perfect niya ito.

Ngayon nga ay pinipilahan ang sikat na banana rhuma ng mga estud­yanteng naghahanap ng dessert o merienda.