Sintomas ng leptospirosis
Akala ng maraming nagkakasakit ngayon na komo nilagnat ay dengue agad ang iniisip. Ngayong panahon ng tag-ulan at baha ay nauuso rin ang sakit na leptospirosis.
Alamin ang mga signs at symptoms ng mild na leptospirosis.
1. Nagkakaroon ng lagnat at nagtsi-chill
2. Inuubo
3. Nakararanas ng diarrhea, nagsusuka, o parehong nai-experince ang pagsusuka o pagdudumi.
4. Masakit ang ulo at masakit ang tiyan
5. Masakit ang mga muscles o kalamnan lalo na ang lower back at likod ng tuhod o binti
6. May lumalabas na rashes o butlig sa katawan kaya inaakalang dengue
7. Namumula ang mga mata o irritable ang mata. Naninilaw ang mga balat.
Maaaring marami sa mga nabanggit ay mapagkamalan ng ibang sakit. Puwede rin ang indibidwal ay walang symptoms ng mga nasabing items.
Kapag na-expose ang tao sa kontaminadong tubig o lugar ay nagkakasakit agad sa loob ng dalawang araw na inaabot minsan ng apat na linggo.
Meron din na nakararanas ng unang phase ng leptospirosis na may lagnat, masakit ang ulo, may muscles pain, nagsusuka o may diarrhea ang pasyente, pero nakaka-recover agad mula sa sakit.
Pero kapag tinamaan ng severe na case ng leptospirosis, na tinamaan agad ang kidney o nagkaroon ng liver failure o meningitis, ang sakit ay inaabot ng tatlong linggo o higit pa. Kapag walang treatment, ang recovery ay tumatagal ng ilang buwan.
Importante na magpakonsulta sa iyong doktor kapag nagkasakit. Upang ma-assess ang iyong karamdaman. Iwasan ang mag-self-medication, upang maagapan at ‘di na lumala ang sakit.
- Latest