Kasal o Pamilya?

Dear Vanezza,

May Bf ako na nagyaya nang magpakasal na kami. Pero ako ang panganay na inaasahan ng aming pamilya. Hindi ko basta puwedeng iwan o pabayaan ang mga kapatid ko na ako mismo ang nagpapaaral. Dahil may edad na ang mga magulang ko, ako na lang ang inaasahan nila. Pero pinapapili ako ng nobyo ko, kung kasal o pamilya ko. Iniisip lang daw na baka hindi na kami magkaanak dahil hindi na ako bumabata. Ano ba ang pipiliin ko, ang love life o ang pamilya ko? – Joyce

Dear Joyce,

Kung totoong mahal ka niya ay hindi ka niya dapat pinapipili. Dahil ang mahalaga sa iyo ay dapat maging matimbang din sa kanya. Kung hindi mo kayang iwanan ang pamilya mo para sa kanya, tiyak hindi siya ang lala­king para sa iyo. Imbes na makatulong ay pinabibigat niya ang iyong kalooban.

Sumasainyo,

Vanezza