Pabor ka bang ibalik ang death penalty?
“Hindi, dahil kawawa ang mga mahihirap ang ito-torture, paaaminin ang mahirap sa kasalanang hindi naman niya ginawa samantalang ang mayamang salarin ay tumatawa.” - Sam, Quezon City
“Napapanahon na! Sobra na ang kriminalidad sa bansa natin. Kailangan na ng kamay na bakal. Binaboy ng mga kriminal ang buhay, sila ang walang karapatang mabuhay.” - Arjo, Bulacan
“Kahit ano pwede. Ang mahalagang punto naman ng death penalty ay magkaroon ng takot na gumawa ng krimen ang masasamang loob. Kung maghihinay ka walang mabibitay at ito talaga ang layunin ng batas, ‘wag magpakalublob at idamay ang iba sa kasamaan. Basta tiyakin lang na ‘wag naman small pusher at user ang pagbibitayin. Dapat pati big time drug lords, patayin.” - Lito, Laguna
“Firing squad mas maganda para makita ng lahat kung paano kitilan ng buhay ang mga taong sumisira sa mamayang Pilipino.” - Estoy, Ilocos
“Sang-ayon ako sa bitay pero unahin yong mga taong gobyerno na protektor. Lalo na sa illegal drugs dahil hindi makapasok ang illegal drugs kung walang taga-loob na nagpoprotekta nito. Kaya nagaganap ang karumal-dumal na krimen dahil nasa ilalim ng droga ang salarin.” - Lemuel, Sarangani
- Latest