Tatay ‘di dadalo sa kasal ng anak
Dear Vanezza,
Ikakasal na ako next month, pero hanggang ngayon ay matigas ang loob ng tatay ko na hindi siya dadalo. Hindi kasi siya boto sa mapapangasawa ko. Ngayong palang daw ay wala siyang makitang future sa BF na isang factory worker. Gusto niya akong makasal sa kumpare niya na isang seaman. Ano po ang gagawin ko para makuha ang blessings ng tatay ko sa kasal ko?
Mayeth
Dear Mayeth,
Kahit mahirap ay kailangan humarap ang inyong nobyo sa iyong tatay upang hingiin ang iyong kamay. Upang patunayan sa tatay mo ang mabuti niyang intensyon at mangako na hindi ka niya pababayaan. Hanggang hindi siya maglalakas loob na makaharap ang tatay mo, baka nga tama ang pangitain ng magulang mo sa iyong nobyo.
Sumasainyo,
Vanessa
- Latest