‘La Scola’
Taun-taon ay napupuno ng mga bisita at turista ang bansang Italy, kahit saan ka magpunta at lumingon, halos lahat ng lugar dito ay talaga namang napakaganda at puwedeng pasyalan.
Ganunpaman, may mga lugar pa rin sa bansang ito ang hindi pa masyadong nakikilala. Isa na rito ang Medieval village of La Scola.
Makararating ka sa nasabing village na may layong 40 milya mula sa Bologna, northern Italy.
Matatagpuan dito ang mga bahay na itinayo pa noon ilang siglo na ang nagdaan.
Ang Borgo La Scola ang isa sa mga best-preserved na village roon, at ang term na Scola ay mula sa German o Greek word na Skult na ang ibig sabihin ay watchtower, bantay o lookout.
Military base ang Scola kaya hindi nakapagtatakang marami ang tower sa nasabing lugar.
Nabuo ang village noong 13th century kung saan nade-develop na ang kanilang ekonomiya, dumadami na ang populasyon at nagsisimula na silang magtayo ng mga matataas na bahay.
Napakaraming manggagawa noon ang nagtrabaho para gawing bahay ang mga tower na nakatayo.
Marami ring road sign sa village nang mga oras na yon, mukha rin itong set noon sa isang pelikula o kaya ay fairy tale.
Puwedeng-puwedeng bisitahin ang Borgo La Scola ng kahit na sino, bukas ito sa lahat ng bisita.
- Latest
