Mister napapraning sa selos

Dear Vanezza,

Isang seaman ang mister ko na sobrang tamang hinala. Lumabas lang kami ng mga kaibigan ko ay napapraning na sa kakaisip. Hindi ba puwedeng mag-enjoy lang kasama ang friends dahil naboboryo na ako sa bahay dahil ayaw naman niya akong pagtrabahuhin. Pero ubod ng seloso, ano ba ang gagawin ko? – Nora

Dear Nora,

Huwag bigyan si mister ng pagkakataon na maghinala. Mahirap ang nasa abroad dahil talagang nakakapraning ang mag-isip.  Kung gustong magliwaliw ay gawin na lamang sa bahay para hindi mag-isip at maghinala si kuya. Gusto lamang ni mister na ingatan ang inyong relasyon lalo’t malayo kayo sa isa’t isa.

Sumasainyo,

Vanezza