Win-win na sitwasyon

Kadalasan may isa sa mag-asawa ang makakalimutin sa mag-partner. Hindi naman nakapagtataka na pinagtatalunan ito nina mister at misis.

Pero sino ba ang may perfect na memory? Hindi naman sinasadya ng partner na may mawala sa kanyang bulsa, pitaka, o kung saan man niya ito nakaligtaan na ilagay.

Ang problema sa simpleng isyu ay lumaki na ang away ng mag-asawa na hanggang maglaglagan na ng ere at insultuhin na ang partner. Ang offense ng asawa ay hindi na mapatawad. Hindi puwedeng parehong mainit ang ulo ng mag-asawa, ang isa dapat ay manahimik.

Saka paalalahanan ang asawa na hindi dapat humatong sa major na awayan ang nakalimutang bagay ni hubby o wifey. Puwedeng choice ni misis o mister kung patawarin o insultuhin ang asawa na pagpipilian din kung ikasisira o ikapapayapa ng realasyon.

Kailangan mas piliin ni misis na huwag nang awayin si mister. Habang dapat ay palampasin na ni mister ang asawa upang hindi na masira pa sa mood ang masayang pagsasama. Anong area ng buhay mag-asawa na hindi pa napapatawad ang partner? O kailangan bang magpatawad uli? Gawing choice na magpatawad upang pagpalain pa rin ang pagsasama para laging piliin ang win-win na sitwasyon sa araw-araw.