Sikat na libingan sa Japan
Isa ang Japan sa mga pinakamagagandang lugar na pinupuntahan ng mga turista, sikat ito sa iba’t ibang sightseeing spots at masasarap na kainan, pero maniniwala ba kayo na may libingan din daw doon si Jesus Christ na ang alam ng lahat ay nasa Jerusalem?
Napapaligiran ng mga puno at lawa, ang village ng Shingo ay isa rin sa mga lugar na magandang bisitahin, idagdag pa rito ang main attraction – ang pinaniniwalaang libingan ni Jesus.
Hindi lamang daw si Jesus ang nakalibing sa nasabing lugar, maging ang kanyang mga ninuno rin daw – ang Sawaguchi family – ay nandito rin.
Nagsimula raw ang lahat ng ito noong 1930’s nang madiskubre ng isang Shinto priest ang mga dokumentong nakasulat sa letra ng ancient Japanese.
Takeunochi documents ang tawag dito at ito raw diumano ang nagpapatunay ng naging buhay ni Jesus sa Japan.
Kinumpiska diumano ng gobyerno ang dokumento at hindi na nakita pa kailan man.
Ayon sa legend, tinakasan daw ni Jesus ang crucifixion at sa Japan nagtago. Doon daw siya nagkaroon ng asawa’t mga anak at namatay sa edad na 106.
- Latest