Healthy na inumin ng pamilya

Ang mga makatas na prutas o gulay pati na ang mga herbs ay magandang alternatibong kainin higit pa sa pag-inom ng plain na tubig. Partikular na ang pipino na healthy at maraming benepisyo sa kalusugan.

Ito ay maganda para sa muscles dahil sa naglalaman ng silica, nakatutulong mamintina ang connective tissue at maging healthy ang kalamnan.

Maganda rin ang cucumber sa balat dahil sa antioxidant na nakatutulong magkaroon ng glow at malinis ang skin.

Puwedeng uminom ng maraming tubig, pero iba pa rin kapag may masarap na lasa ang fluid gaya ng katas ng sariwang pipino. Ang iba ay hinihiwa ito ng manipis at ihahalo sa pitsel na may tubig. Nakahandang i-serve bilang treat tuwing iinom ng tubig .

Maaari ring gawin ang pag-slice ng pipino at ilagay sa jar o bote na may tubig na bitbit kahit saang magpunta.

Madali lamang ihanda ang refreshing na inumin ng ilang minuto. Maghiwa lamang ng pipino na puwedeng ilagay sa pitsel, baso, o bote na ibabad sa magdamag bilang healthy na inumin ng pamilya sa araw-araw.