Depression na nararanasan ng OFW

Hindi maikakaila na maganda ang buhay ng ma­raming overseas Filipino workers na masipag na nagtatrabaho sa ibang bansa. Kung kaya marami rin ang nangangahas na subukan ang kanilang kapalaran sa labas ng ‘Pinas.

Sa malas, ang daan ng tagumpay sa ilang OFW na pagkakaroon sana ng mas maaayos na buhay ay naging mailap sa kanila.  Kahit isinakripisyo na ang buhay, pera, at iniwan ang pamilya sa ‘Pinas.  Ang resulta ay nauwi sa kahirapan at depression dahil sa masaklap na sinapit sa ibang bayan. Kung kaya’t bago mag-abroad ay pag-aralan muna ang mga option sa mga puwedeng mangyari bilang OFW.

Obvious na dahilan sa pagtatrabaho sa abroad ay dahil sa pera. Maaaring doble ang sahod ng OFW kumpara sa ‘Pinas. Pero huwag kalimutan ang lahat ng advantages ay may hangganan. Kaya huwag magpapalinlang kundi maging masinop sa perang kinikita. Huwag masyadong galante sa paggastos at iwasan ang sobrang pagiging generous sa pag-share ng blessings.

Tandaan, lahat ay may limitasyon kaya matutong mag-ipon, mag-invest ng maayos, at magpundar ng bahay at negosyo.

Upang hindi matulad sa ibang OFW ay nakararanas ng depression dahil pagkatapos sa abroad ay nganga na walang naipon ngayong for good nang babalik at mananatili sa ‘Pinas.