Dalagita tinalo sina Einstein at Hawking sa katalinuhan!

Nagiging maingay nga­yon ang pangalan ng isang 11-year-old Iranian high school student na naka-base sa United Kingdom dahil sa resulta ng IQ test nito na puwedeng makahigit sa great thinkers na sina Albert Einstein at the late Professor Stephen Hawking.

Kamakailan lang ay kumuha ng exam sa Mensa IQ test si Tara Sharifi, isang studyante sa Aylesbury High School sa UK at nakakuha siya ng nakakabilib na score na 162 points. Dalawang puntos siyang lamang sa katalinuhan nina Einstein at Hawking.

Ang Mensa IQ test na kinakailangang masagutan sa loob lamang ng ilang oras ay naka-focused sa abilidad ng isang studyante na maintindihan ang napaka­raming bagay.

“I was shocked when I got the result – I never expected to get such a good score,” pagbabahagi ni Sharifi.

Gamit ang score na nakuha, miyembro na ngayon si Sharifi ng Mensa membership na kilala rin bilang High IQ society.

“It was a joint decision between me and my parents to take the test,

“It will be a wonderful opportunity to meet other people within the Mensa system. I have told some of my friends at school and they were really impressed,” dagdag pa ng dalagita.

Ayon pa sa kanya, kapag siya ay lumaki na, gusto niyang magpatuloy sa kurso na may kinalaman sa mathematics.

Samantala, proud naman ang kanyang mga magulang sa kanyang angking kata­linuhan.