Aquarium: Paano Magiging Pampasuwerte?

Sa Feng Shui, ang tubig ay simbolo ng kayamanan. Ang salitang “fish” sa Mandarin ay binibigkas na kasingtunog ng “excess” (sobra). Kaya ang pag-aalaga ng isda ang isang paraan para maging sobra-sobra ang iyong kayamanan. Maglagay ng walong goldfish sa aquarium plus isang itim na isda. Kung may mamamatay, palitan agad ito.

Ang pagkamatay ng isda ay palatandaan na nahigop ng isda ang negative energy na pinanggagalingan ng kamalasan. Ito ang mainam sa nag-aalaga ng pets o isda para sila na lang ang makahigop ng kamalasan sa halip na tao.

Saan dapat ilagay ang aquarium? Mas mainam na ilagay ang aquarium sa harapan ng bahay malapit sa front door.

Ano ang dapat na korte ng aquarium? Ang pinakamagandang korte ng fish tank o aquarium ay bilog o oblong. Bakit ito ang magandang korte? Dahil wala itong kanto na magiging poison arrow. At alam nating ang poison arrow ay perwisyo sa kalusugan ng tao.

Ang bilog na korte ay kabilang sa metal element. Compatible ang water at metal element. Pero kung wala kayong mahanap na oblong o bilog, puwede na ang rectangle shape dahil hindi naman ito masama pero hindi kasing suwerte ng bilog at oblong.