Nararanasang migraine
Akalain ba na ang headache na nararamdaman ay mayroong 150 klase ng sakit ng ulo. Ang bawat iba’t ibang uri ng sakit ay unique ang dahilan at kakaiba rin ang kailangang treatment.
Kapag alam ang tipo ng headache mas madali sa pasyente at sa iyong doktor na matugunan at maiwasan ang sakit ng ulo.
Isang karaniwang sakit ay ang migraine. Ang sintomas nito ay moderate hanggang matinding sakit. Lumalabo ang paningin, nakakaaninag ng liwanag o zigzag na linya.
Tumataas ang sensitivity sa light, amoy, at ingay. Nakararamdam na magaan ang ulo, nasusuka, at nahihilo.
Ang migraine na sakit ng ulo ay puwedeng higit na mas komplikado sa inaasahan. Ang eksaktong dahilan ay hindi alam, pero maraming bagay ang mapapansing nagpapa-trigger ng migraine gaya ng kulang sa tulog o pagkain ng mga ilang food gaya ng cheese o chocolate. Ngunit may epektibo ring treatment na makatutulong na ma-manage ang sakit.
Puwedeng lumipat sa mas madilim o tahimik na kuwarto, at humiga hanggang humupa ang sintomas. Matulog hanggang maaari upang mabawasan na lumalala ang sitwasyon.
- Latest