Pustahan ng Mag-bestfriend
Dear Vanezza,
Pustahan lang sana kami ng bestfriend ko kung mapapasagot niya ang classmate namin. Pero tinutuhanan na niya ang gimik namin hanggang maging magnobya na sila ng girl. Ang problema ay nagseselos at nasasaktan ako tuwing nakikitang magkasama silang dalawa. Dapat ko bang ipagtapat ang pustahan namin at maging aking damdamin. Paano ba ang gagawin?
Marc
Dear Marc,
Hindi laruan ang isang damdamin. Mas makakagulo ka pa sa sitwasyon kung ipagtatapat ang lahat. Hayaan kusang madiskubre ng babae ang totoo. Kung maayos na ang lahat ay saka ka manligaw sa kanya. Pero kung hindi at sila pa rin ng bestfriend mo, wala kang ibang puwedeng gawin kundi ang magparaya.
Sumasainyo,
Vanezza
- Latest