Kung magpapagawa ng bakod

Tanong: May Feng-shui pa bang sinusunod sa pagpapagawa ng bakod?-Ryza.

Narito ang mga da­pat tandaan sa pagpapatayo ng bakod:

Huwag gumawa ng bakod na mataas pa sa bubong ng bahay n’yo. Mahihirapan ang energy na pumasok patungo sa bahay n’yo.

Huwag maglagay ng flower box sa itaas ng bakod. Ang flower box ay inilalagay sa ibaba ng bakod.

Magandang shape ng bakod ay pabilog at ang grills ay naka-vertical.

Iwasan ang bakod na barb wire, grills na may nakabaluktot na maliliit na arrow at nakaturo sa loob ng bahay ninyo o sa bahay ng kapitbahay. Poison arrow ang tawag dito. Hadlang sa pag-asenso ang poison arrow.