GF Kaagaw sa Remittance ng BF

Dear Vanezza,

Seaman ang bf ko at maayos naman ang aming pagsasama. Ang problema ko po ay galit sa akin ang pamilya niya na hindi boto sa aming relasyon. Bad influence raw ako sa anak nila. Madalas sinusungitan ako at sinisiraan ako.

Hindi ko alam kung bakit ganun na lang ang galit nila sa akin lalo na ngayon malapit na kaming ikasal. Parang pinagtutulungan ako dahil kaagaw ako ng remittance ng anak at kapatid nila. Huwag ko na lang pansinin sabi ng BF ko. Ano po ang gagawin ko? - Yuan

Dear Yuan,

Ipagpatuloy mo lang ang magandang pakikitungo sa kanila. Patunayan na hindi ka hadlang sa natatanggap nilang pera sa mapapangasawa mo. Dapat pumagitna ang BF para magkaroon ka ng pabor sa pamilya niya.

Sumasaiyo,

Vanezza