Valentine Spell Mula Sa Great Britain

Bay Leaves sa Unan

Sa Great Britain noong 1700s, ganito ang ginagawa ng mga dalaga bago matulog sa gabi ng February 13 (bisperas ng Valentine’s day) upang makita nila sa pana­ginip ang magiging hitsura ng kanilang mapapangasawa: Kukuha sila ng 5 pirasong bay leaves (or laurel leaves) at wiwisikan ng tubig na pinagbabaran ng rose petals. Ang isang piraso ng bay leaf ay ilalagay sa gitna ng unan (sa loob ng punda), tapos ang apat ay ilalagay sa apat na corner ng unan (sa loob ng punda).

Matapos iayos ang bay leaves, kakain sila ng nilagang itlog na isinawsaw sa asin. Pagkatapos kumain ay uusalin ang mga sumusunod: “Good Valentine, be kind to me. In dreams, let me, my true love see.” Matulog at umasang makikita mo sa panaginip ang mapapangasawa.

Pangalan ng Manliligaw

Isusulat ng dalaga ang pangalan ng kanyang mga manliligaw sa bawat piraso ng papel, tapos ididikit ang bawat papel sa bola na gawa sa clay. Ilulubog ang bola sa timba na puno ng tubig. Ang unang pangalan na lumutang sa tubig ang mapapangasawa ng dalaga.

Buto ng Mansanas

Ang magkasintahan ay magbibiyak ng napakapulang mansanas sa Valentine’s Day. Kung ilan ang buto sa biniyak na mansanas ay iyon ang magiging bilang ng magiging anak nila kung sila ay magkakatuluyan.