Mai-in love ka ba sa ka-chat mo sa Online?
* Yung mister ko sa chat ko na-meet na taga-Norway siya. May 2 kids na kami ngayon. Hindi madali nung una dahil magkaiba kami ng time zone. Pero dahil sa nag-effort kaming maging honest sa isa’t isa na- in love kami. – Jessa, Pasay
* Naku ilang taon na akong nakikipag-chat puro manloloko lang ang nakikilala ko. Gusto lang nila puro for fun. Ayaw ko nga makipagsapalaran dahil mas mataas ang bilang ng mga nagkaka-Aids ngayon. Dahil sa pakikipag-eye ball na nakilala lang sa online. – Ging, Manila
* Ewan ko ba! Hindi ko magawang magkagusto sa nakilala mo lang sa dating site. Siyempre pa pogi points ang men sa profile pictures nila. Ang tanong paano kung may HIV, may bad breath o bad odor, masamang ugali o motibo. Hindi na bale. Mas gusto ko pa rin ang conservative type na liligawan ako sa personal kaysa sa online na sistema. – Tintin, Bulacan
* Gusto kong ma-try na makahanap ng friend or more sa chatting. Pero gusto ko foreigner. Makipag-chat na lang din ako sa ibang lahi na ‘di ba. Sana makahanap ako ng true love sa online gaya ng friend ko na nakapag-asawa ng puti. Mabait na responsible pa. - Mercy, Cebu
* Basta mag-ingat lang. Marami na ang nari-rape dahil sa na-meet lang sa online. Siyempre malakas ang loob ng mga manloloko dahil alam nilang secret ang conversation. Marami ang mapagsamantala at nabibiktima na. – Gladyz, Antipolo
Pampalipas lang sa akin ang makipag-chat. Meron na akong nagiging friends kahit sa ibang bansa. Pero ang ma-in love, puwede siguro hanggang sa willing siyang magkita kami ng personal. – Aileen, Dasma
- Latest