Nanliligaw lang sa Online
Dear Vanezza,
May schoolmate ako na itinutukso sa akin. Type ko rin siya, ang problema ay sa chat lang niya ako nililigawan.
Gusto niya akong maging nobya, pero huwag ko raw ipaalam sa nanay ko. Turn off ako. Nagsisimula pa lang kaming maging bestfriend ng nanay ko dahil sa marami kong pagkakamali. Ayaw kong sirain ang moment namin ng nanay ko.
Tama ba na huwag ko nang i-entertain ang manliligaw ko kahit crush siya ng bayan? – Mel
Dear Mel,
Kung hindi niya kayang humarap sa nanay mo, sa tingin mo ba magiging happy ka kung itatago ang relasyon ninyo sa ermat mo? Ibig sabihin ay hindi tapat ang intensyon niya sa iyo. Huwag ka rin pumayag na magpaligaw sa online.
Maghintay ka ng lalaking matapang na kayang umakyat ng ligaw sa bahay ninyo upang harapin ang magulang mo.
Sumasainyo,
Vanezza
- Latest