Punka-punkara

Ito ay salita mula sa Australian aborigines na ang ibig sabihin ay pang­huhula sa pamamagitan ng “physical disturbances” sa parte ng kanyang katawan kagaya halimbawa ng big­laang  pagkati ng lips, kamay,  talampakan o biglang may narinig kang huni sa iyong tenga.  At ang taong may kinalaman sa mga nararamdaman mo ay kadalasang kapamilya. Narito ang iba’t ibang klase ng Punka-punkara:

Niirnakatira—Humuni ang iyong tenga. Iniisip ka ng iyong kuya.

Takalarrara—Parang may nag-cracked  sa loob ng iyong ilong. May darating na bisita o isang biglaang event.

Mirna Punka-Punkara—Tumitibok ang iyong upper arm. Iniisip ka ng iyong ama o ina.

Kurtaku Punka-Punkara, Kamurulu Kulira—Nadadama mo ang tibok ng iyong puso. Iniisip ka ng iyong tiyo na kapatid ng nanay mo.

 Katjalu—Nadadama ang tibok ng puso pero this time, pinsang lalaki sa mo­ther’s side ang nag-iisip sa iyo.

 Parnta, Tjunta, Punka-Punkara, Kurrilu Kulira—Tumitibok ang ari o singit. Asawa ang nag-iisip sa iyo.

Murnngu Punka-Punkara, Tjutulu, Kurtalu Kulira—Tumitibok ang lower leg (parteng tumitigas kapag pinupulikat), kuya o ate mo ang nag-iisip sa iyo.