Last Minute na Shopping sa produkto

Taun-taon tuwing holiday season ay hindi nawawala ang pagkakamali na kung kailan last minute ay saka lamang nagsa-shopping.

Ang tendency tuloy ay mas napapagastos. May tips upang maging wise sa iyong pamimili ngayong isang buwan na lang ay Christmas na.

Gumawa ng listahan at pati na rin ang iyong budget.

Kung mayroon sapat na listahan ng regalong bibilhin, tiyak na may magandang idea kung magkano lamang ang dapat gastusin. Siyempre kailangang planuhin ang pag-purchase at iba’t ibang presyo ng items na gustong bilhin.

Kung organisadong tao, mas handa sa mga inaasahang amount na kayang mabayaran ng cash ang items. Kaysa sa kabaligtaran na sumusugod sa last minute shopping na kadalasan ay nagsisisi kung bakit nabili ang mga bagay.

Kinukulang ang budget na napipilitang gamitin ang credit card ng wala sa oras. Nai-stress din sa siksikan, trapik, at mahabang pila.

Imbes na ma-enjoy ang shopping ay nadidismaya pa sa paghahabol sa count down ng Christmas season.

Kung may sapat na budget din lamang naman ay mas magandang agahan ang pagpaplano ng shopping. Upang ma-shoot ang target ng mga regalong gustong bilhin.