Ang masuwerteng main door

Hindi masamang maraming pinto ang bahay ngunit gawing naiiba at prominente ang inyong main door. Iyon bang sa unang tingin ay mahahalata kaagad na iyon ang main door. Ang main door ay mas madalas gamitin sa pagpasok at paglabas ng bahay. Kaya’t ang Feng Shui rule, dapat na mas maganda, malapad at elegante ang main door kumpara sa pintong nasa gilid o likod ng bahay.

1--Ang main door ay hindi dapat na yari sa salamin. Mas mainam na ito ay yari sa isang solidong kahoy na simbolo ng tibay at katatagan.

2--Ang poste o puno na nakatapat sa pinto ay humaharang sa good energy na papasok sa bahay.

3--Kung ang pinto ninyo ay may dalawang panel o tinatawag na double door, be sure na lagi itong nakabukas pareho. Kung isa lang ang bubuksan, ito ay nagsasaad ng laging bitin ang grasyang matatamo o kaya ay laging hindi natatapos ang trabaho na sinimulan.

4--Ang main door na nakaarko sa itaas ay masuwerte lang kung naka-locate ito sa west, north at northwest.

5--Ang sliding glass doors ay mainam lamang sa mga secondary doors at hindi para sa main door.

6--Ang glass door ay para lamang sa opisina ngunit hindi sa mga kuwarto ng bahay. Mas mabuti pang huwag mo na lang lagyan ng pinto ang isang kuwarto.