Para hindi mag-away ang magbiyenan
Baguhin mo ang iyong attitude sa iyong biyenan. Pakisamahan siya. Extra effort ang kailangan kung nakatira siya sa inyong bahay o ikaw ang nakikitira sa kanyang bahay. Walang kuwenta ang pagpupungsuy kung hindi mo muna aayusin ang iyong attitude. Paano kung masama ang ugali ng iyong biyenan? Wala kang control sa ugali niya pero may kontrol ka sa attitude mo.
Ilawan ng maliwanag na bombilya ang Southwest (SW) corner ng salas. Magpakuha kayong magbiyenan ng picture na parehong nakatawa. Mas mainam kung nakaakbay ka sa kanya. Gawing malaki ang picture. Idispley ang picture na iyan sa SW. Sa tuwing titingnan ninyo ang picture, tatanim sa inyong isipan na puwede pala kayong maging magkasundo. Ang tip na ito ay mula sa paniwala ng Taoist.
Maglagay ng dalawang crystal ball sa SW. Lilikha ito ng Earth energy na maglalapit sa inyong dalawa.
Kung possible, pinturahan o lagyan ng kurtinang pula ang SW upang “masunog” ang inis ninyo sa isa’t isa.
- Latest