Bagong look na Christmas Tree

Sa pagtaas ng mga bilihin ngayon, lahat ay ginagawa ang pagtitipid kahit pa sabihin na simula na ang pagkaka­bit ng mga Christmas Tree ng mga karamihan. Mahirap ma-imagine ang kapaskuhan kung walang Christmas Tree.

Hindi naman kailangan gumastos para magkaroon ng bagong Christmas Tree. Dahil puwedeng i-recycle ang ginamit noong isang taon. Simulan lang na ibabad sa powder na sabon ang mga parte na kumapal na ang alikabok sa pagtago nito kahit naka-plastic. I-brush ang mga dahon o tangkay nito. Hugasan din ang mga items na plastic na dekorasyon gaya ng mga iba’t ibang kulay na balls o pangsabit na design.

Pagkatapos ay patuyuin ang mga materyales ay punasan ito. Saka buuin ang Christmas Tree upang malaman kung kulang na ang mga items. Para ma-repair din ang mga bahagi ng Christmas Tree kung kailangang pinturahan ang iba o lagyan lamang ng mga glitters. Kapag nabuo na ang Christmas Tree ay puwedeng mag-isip ng ibang bagay mula sa inyong hardin para magamit na recycle na pang dagdag na ikakabit. Upang magkaroon ng bagong design o look ang Christmas Tree na hindi halatang pinaglumaan kundi, idinaan lamang sa pagiging creative na dekorasyon.