Anak na Nasasakal sa Tatay

Dear Vanezza,

Ang misis daw ang taga-tahi ng gusot sa pamilya upang hindi ito mawasak. Paano ko ba ito magagawa kung malayo ako sa mag-aama ko? Nandito ako ngayon sa Saudi bilang nagsasakripisyo para sa kanila. Naawa ako sa anak kong babae na nasasakal sa  pagbubulyaw ng mister ko. Gustuhin ko man pero nahihirapan at nasasaktan ako para sa dalaga ko. Ano ba ang gagawin ko? – Nanay Nora

Dear Nanay Nora,

Paalalahanan mo ang iyong mister na palawakin pa ang pasensiya sa inyong anak. Lagi mo rin kausapin ang anak mo kahit sa video call upang maramdaman niyang may nagmamahal mula sa kanyang nanay. Upang ma­ging matibay ang kanyang loob kahit malayo siya sa iyo.

Sumasainyo,

Vanezza