Mahal ako o mahal ko?

Dear Vanezza,

Ako po ay may nobyo pero feeling kong hindi ko siya mahal dahil mas nami-miss ko po ang aking dating bf ko. Hanggang ngayon ay nagkakamustahan pa rin kami. Mabait naman ang bf ko ngayon at mahal ako, pero hindi ko po talaga magawang ibaling sa kanya ang pagmamahal na ibinibigay ko sa aking naunang nobyo.  Hindi ko lang alam kung mahal pa rin ako ng ex ko.  Pero nahihirapan na ako sa pakikitungo ko sa present BF ko. Ano po ba ang dapat kong gawin? - Lily

Dear Lily,

Huwag mo nang patagalin ang relasyon mo sa BF mo ngayon. Magpakatotoo ka sa iyong sarili. Pinapahirapan mo lang ang iyong damdamin. Sinasayang mo rin ang oras ng BF mo ngayon. Makipaghiwalay ka na sa kanya. Huwag mo na siyang paasahin. Kundi sabihin mo ang tunay mong damdamin sa lalaking mahal mo. Pero ang tanong, mahal ka ba ng dati mong bf? Pag-isipan mong mabuti ang gagawin mong desisyon.

Sumasaiyo,

Vanezza