Legacy ng buong angkan

Isang gabi ay nakipaglaro ang isang lolo sa 7 years old nitong apo ng Parcheesi na isang Indian  cross at circle board game.  Laro ito na hindi na naririnig o kilala ngayon.  Ang huling gustong mangyari ng apo ay matalo ang kanyang lolo.  Nararamdaman ng dalawa ang intense ng kanilang paglalaro. Pinag-aralan mabuti ni lolo ang board games kung saan direksiyon pupunta ang kalaban niyang apo. Isa na lang ang pagpipilian para isa sa kanila ang manalo. Pero nahuli siya ni lolo na nandadaya. Pinagsabihan ito ni lolo na hindi dapat nandaraya sa anomang bagay kahit sa simpleng paglalaro.

Hanggang sa paglaki ay tanda pa rin ng apo ang bilin sa kanya ng lolo na huwag siyang magsisinungaling, magnanakaw, o manlamang sa kapwa. Itinuro ito ni lolo dati hindi lamang upang  sumunod sa kanya, kundi upang malaman ng apo ang pagiging matapat ng kanilang pamilya. Isang character na legacy at tatak ng kanilang buong angkan.

Sa paglipas ng panahon ang apo ay naging isa nang military, tatay, at lolo na rin na marami nang pinagdaanang  sitwasyon sa buhay. Pero paulit-ulit na naririnig nito sa kanyang isipan ang pangaral ng kanyang matandang lolo na kailangan marinig din ang memorable na salita para naman sa susunod na henerasyon ng kanilang pamilya.