Nagda-diet ka ba?
Madaming paraan ng pagda-diet para makabawas ng timbang.
Lahat ay epektib depende sa iyong will power. Kapag nagda-diet, pakiramdam mo ay lagi kang gutom at unsatisfied.
Kung mahina ang iyong determinasyon, matatalo ka ng iyong gutom at susukuan ang pagda-diet.
Narito ang mga sikat at epektib na diets ayon sa mga experts.
Atkins diet - Ang Atkins diet, o Atkins nutritional approach, ay naka-focus sa pagko-control ng levels ng insulin sa katawan sa pamamagitan ng low-carbohydrate diet.
Kapag kumakain ng maraming refined carbohydrates, ang insulin levels ay mabilis na tumataas at bumababa.
Kapag tumataas ang level ng insulin, nagiging sanhi ito para mag-imbak ang katawan ng energy mula sa pagkaing kinakain kaya bumababa ang tsansa na gamitin ng katawan ang stored fat bilang source of energy.
Dahil dito, ang mga nag-a-Atkins diet ay umiiwas sa carbohydrates ngunit naka-unli sa protein at fat.
Bagama’t sikat ang Atkins Diet na pinasikat ni Dr. Robert Atkins na sumulat ng best-selling book tungkol sa diet na ito noong 1972, ikinokonsidera itong unhealthy at binatikos ng mga mainstream health authorities dahil sa mataas na saturated fat content.
Nagkaroon ng maraming study sa diet na ito at nakitang mabisa nga ito sa pagbabawas ng timbang at nakatutulong sa improvement sa blood sugar, HDL (“good” cholesterol), triglycerides at iba pa
Kaya effective ang low-carb diets para sa weight loss dahil binabawasan ang carbohydrate intake at kumakain ng maraming protein na nakapagpapababa ng appetite kaya mas kaunti na lang ang intake ng calories.
- Latest