Buhay Commuter
Mahirap mag-commute lalo na kapag rush hour na talagang ‘di madali ang sumakay ng dyip, bus, train, at tricycle. Tapos traffic pa. Lalo na ngayong tag-ulan. To the highest level ang challenge sa pagko-commute. Kailangan mo nang mag-beast mode para makauwi agad. Ngayong tag-ulan narito ang mga dapat tandaan gaya ng payong, kapote, at wet jacket.
Imaginin mo na lang ang itsura mo pagdating ng school o trabaho. Wet look panget ‘di ba?
Ugaliin lang na ipagpag muna ang payong bago sumakay o pumasok sa anumang establishment. Courtesy ‘yun sa mga kapwa mo commuter na puwedeng mabasa. Bukod sa payong, additional protection sa ulan ang kapote or wet jacket para ‘di mabasa ng ulan at magkasakit.
Ang bota. Hindi pa nakakasanayan ang pagsusuot ng bota. Pero epektib ang bota sa tag-ulan. Bukod sa ‘di nababasa ang sapatos at ‘di nabababad ang basang paa sa sapatos, hindi pa matatalsikan ng putik ang iyong paa at ‘di mapapasukan ng napakaruming tubig-baha. Mayroon na ngayong mga fashion boots. Kung ayaw ng bota, baunin ang sapatos, magdala ng pamunas sa paa at magtsinelas na lamang sa pagko-comute. Pagdating sa destinasyon, maghugas ng paa, at magpalit ng sapatos. Madami ang ayaw magsuot ng bota. Ang iba nahihiya, out of fashion. Pero sa ibang bansa, in na in ang bota kapag tag-ulan.
Kung ayaw ng bota, may nabibili na ring cover sa sapatos para ‘di mabasa.
Importanteng may cover din ang paa dahil maaaring makakuha ng sakit sa maduming tubig sa ulan o baha.
- Latest