Kuya nagsisisi na‘di nag-aral

Dear Vanezza,

Dapat last March pa ako naka-graduate sa college, pero mayroon akong naiwang bagsak na mga subjects ko. Nagsisisi ko dahil hindi ako nag-aral mabuti, biglang napauwi si papa galing Saudi, pero wala siyang dalang pera dahil nalugi ang kanilang kompanya. Ngayon ay nagkakagulo kami sa bahay dahil sa rami ng aming problema, dagdag pa ako na pabigat sa magulang ko. Kung noon sana ay nag-aral akong mabuti, pero ngayon kailangan ko pang tapusin ang natitira ko pang pitong subject. May pag-asa pa ba ako? – Migz

Dear Migz,

Malaki pa ang pag-asa mo, ibig sabihin maluwag na ang iyong oras. Pagkakataon na puwede ka rin maging working student. Ito ay paraan upang makatulong sa iyong magulang habang puwedeng tapusin ang iyong kurso. Huwag mag-isip ng negatibo at magpakumbaba na tumulong sa iyong magulang.

Sumasainyo,

Vanezza